Shairi... - kuch ashaar

[V.I.P.]

okay, before everyone is going to open a new thread to post his/her shairy that he/she likes....

Let us start a thread where everyone can share his/her shairi too.

Just one rule/ request, please don't post any shairi that is more for fun.

And if it is your own, please post your own written in a seperate thread, which shoud be named as "My own poetry"- so everyone can take a notice of it, and we are able to judge how it was.

I hope everyone will start posting in this thread.

[Fazi]

and if his or her own poetry is in english ?

[V.I.P.]

[b]<span style="color:indigo">[font=Courier New:1e37ec97ff]agar talaash karoon koi mil hi jaye ga
magar tumhari tarah kaun mujhe chahe ga

tumhain zaroor koi chaahaton se dekhe ga
magar woh aankhain hamari kahaan se laye ga

na jaane kab tere dil par nai si dastak ho
makaan Khali hoa hai to koi aaye ga

main apni raah main deewar ban ke baitha hoon
agar woh aaya to kis raaste se aaye ga

tumhaare saath yeh mausam farishton jaisaa hai
tumhaare baad ye mausam bahut sataaye ga[/font:1e37ec97ff]</span>

[V.I.P.]

Originally posted by Fazi
and if his or her own poetry is in english ?

hmm, aap kya sochteh hain?

kahr nah chahiyeh yah nahin?

[Fazi]

I think yes he or she can post her english poetry .. it will be good .. (for me coz i have a few mine in english )

[V.I.P.]

okay.. so we are managing the poetry section.. :)

[Fazi]

not we ..


only YOU :)

as i have said already Humpakistani.net's poet .. you are ...

do you have interest in sports too ?

[V.I.P.]

okay, thanks. :)

not really if then only in football. no cricket or sth else...

but I think that a member who is a big cricket fan, will join this forum soon.

[Fazi]

Football no problem there is Thrad about sports.. this site is not only for cricket you can share stuff about football also :)

[Fazi]

Is neend say bhari duniya main
jab koi kisi pay rota hay
lay lay kay naam kisi ka jab
apni aankhon ko dhota hay
na janey kyun teri yaaden
us waqt buhat tarpatee hain
kahti hain mujh per woh royen gi
aur ashkon ki nehar bahaati hain
Main is hi soch main rahta hoon
mujh per kab koi roye ga
yah dard jo hay tanhayi ka
kab yah thak haar kay soye ga
Har simt andhera hota hay
dil khoon kay aansoo rota hay
har lamha dard koi kaantey
dil ki dharkan main bota hay
Zakhmon say hoon main choor buhat
kahney per hoon majboor buhat
ulfat say kyun hoon door buhat
duniya hay kyun magroor buhat?
Is duniya nay sikhlaya hay
jo daulat saath main laya hay
us hi nay sab kuch paaya hay
bas yah shikwa lab pay aaya hay
Jo soorat meray paas na ho
Jo soorat meray paas na ho
daulat dil ki mil jaye buhat!!!
ba kamtar sa ehsaas na ho
Per main bhi kitna nadaan' hoon
yah kah kay chup ho jaata hoon
Kay ek waqt *** woh aaye ga
mujh per bhi koi roye ga ........

[V.I.P.]

nice one Fazi.. thanks for sharing.

ek merih teref seh...

[b]
<span style="color:indigo">Bholna mujhey itna asan nahin hay
Magar suno, namumkin bhi nahin hay
Khizan main jab saray patay
Darahtoon ka sath choor jayain gay.
Jaab sard hwa chalay gi or tum
Hood main seemat jao gay.
Jaab ghazal koi tumhain sunay ga
Jaab de ga koi choopkay say awaz;
Mangnay lago gay jab duaa tum,
Dekon gay hathalion ko apni ghoor say tum
Mujjay dhoondo gay tum un lakiroon main tub tum
Ho gi phir yai ank zara pur-num
Jaab dega na koi sath tumhara,
Honay lagay ga yai dushman zamana,
Ho gay tum tun tanha
Na hoga koi jo sambhaly tum ko,
Tum tootnay lago gay bikharnay lago gay
Ghusa kon sehay ga tumhara?
Dill jab tootay ga hur din hur pul jub
Tub tum jano gay
Haan tabhi tum mano gay
Kay main kon thi?
Magar tub tuk loog mujjay
Pehna kay leja rahain hoon gay;
Tub tum rona nahin' suno,
Hiran tum hona nahin jaan lo
Deko na
Ab tum rotay kion ho?
Ab pachtatay kion ho?
Maat ro na ho udass
Main rahoon gi kahin na kahin
Haan shaid kahin bhi nahin
Mujjai bhoolna asan nahin hay
Magar suno na..
NAMUMKIN bhi to nahin hay na.!
</span>

[Fazi]

Thanks

Main jis kay dil ki kitab banta
Main jis ki chahat ka khawab banta

Main hijar mosam ki lambi raaton main yaad
Ban kar azaab banta
Koi to hota?
Jo meri khwaish main uth kar raaton ko khoob rota
Dukhon ki chadar lapait kar hajoom duniya say door hota
Main rooth jaata manata mujh ko kay chahe mera kasoor hota
Koi to hota?
Jo mujh ko dil ka karar kehta
Ragoo ka apni fishar kehta
Udaas mosam main tazgi ki biyar ban kar
Jo meri bahoon ko arzoo ka diyar kehta
Koi to hota?
Dua say apni jo dukh bhi meray samait leta
Woh iss jahan say ghamon ka meray hisab leta
Woh sari duniya ki rafaqaton kay tamam rishtay
Koi to hota?
Main jis kay itna kareeb hota
Na paas koi rakeeb hota
Main tanha uss ka habbib hota
Yeh silsila bhi ajeeb hota
Koi to hota? KÄħH
Koi to hota?

[V.I.P.]

[b]
<span style="color:indigo">Main apni dosti ko,
sehar mein ruswa nahin karta.

Muhabbat mein bhi khartha hoon,
magar charcha nahin karta.

Jo mujhse milnay ajaye main uska,
dil se khadam hoon.

Jo uth ker jana chalhaye,
main useh roka nahin karta.

Jiseh meh chor deta hoon,
phir us ko bhool jatha hoon
phir us ki bast kijanib mur ker dektah nahin</span>

[Fazi]

<span style="color:darkblue"> Aab Kay Yoon Dil Ko Saza Di Hum Nay
Us Ki Her Baat Bhula Di Hum Nay

Eik , Eik Phool Bohat Yaad Aaya
Shakh-E-Gul Jab Woh Jala Di Hum Nay

Aaj Tak Jis Pay Woh Shermatay Hain
Baat Woh Kab Ki Bhula Di Hum Nay


Sheher-E-Jahan Rakh Say Abad Hua
Aag Jab Dil Ki Bujha Di Hum Nay


Aaj Phir Yaad Bohat Aaya Woh
Aaj Phir Us Ko Dua Di Hum Nay


Koi To Baat Hia Us Main Faiz
Her Khushi Jis Pay Luta Di Hum Nay</span>

[Fazi]

dil jalaane kii baat karate ho
aashiyaane kii baat karate ho

ham ko apanii Khabar nahii.n yaaro.n
tum zamaane kii baat karate ho

saarii duniyaa ke ra.nj-o-Gam de kar
muskuraane kii baat karate ho

zikr meraa sunaa to cheeh ke kahaa
kis diivaane kii baat karate ho

haadasaa thaa guzar gayaa hogaa
kisake jaane kii baat karate ho

[V.I.P.]

the second one is one of my fav.

thx for sharing fazi. :)

[V.I.P.]

<span style="color:indigo">Chaand hi bujhaa dala dil dukhaane waalon ne
kuchh udhhaar nahin rakkha dil dukhaane waalon ne;

hum ne khastagi paaie dil giraftagi paaie
kheyr hum say kya paya dil dukhaane waalon ne?

khoob wazhadaari hai zakhm-e-taaza se pehlay,
hum say haal-e-dil poochha dil dukhaane waalon ne!

Be-qaraar hain aankhen, kese ab lahoo roeiN
khushk kar diya dariya dil dukhaane waalon ne.

Such kaha sada dil ko dil say raah hoti hai
khoob hum ko pehchaana dil dukhaane waaalon ne,

un ki wajh-e-shohrat to talkh guftugu hi thi
kyoon badal liya lehja - dil dukhaane waalon ne </span>

[V.I.P.]

[b]<span style="color:indigo">Dard ki main Inteha daikhna chata hooon
main apna hosla daikhna chaata hoon

apnay liye maut ki sazza daikhna chata hoon
A mere mehboob daikh main kia daikhna chata hoon

hain nishan baki jo tu nai zakham diye hain
main un zakhmon ko rasta hoa daikhna chata hoon

bewafa sai wafa ki umeed kion kar ho iss liye
main khud ko bhi abb bewafa daikhna chata hoon

teri judai main jis tarah tarap raha hoon main
tujh ko bhi issi tarah tarapta hoa daikhna chata hoon

hain mere ki yahi aakhri arzoo abb tau
Dulhan k Roop main saja hoa daikhna chata hoon </span>

[V.I.P.]

<span style="color:indigo">
[b]Teri yaad nay meray dil ko saja rakha hai

teray pyar main sab ko bhula rakha hai




kuch acha nahin legta teri judai kay baad

ek teri yaad ko sinay say laga rakha hai



tera milna to abb aik khawab hi lagta hai

najanay abb kyoon dil ko bhula rakha hai


sab kuch lut gaya hamara teray pyar main

teri yaad ko palkoon main chupa rakha hai



muqadar say miltay hain bichar kay warna
ajj bhi tera naam dil main saja rakha hai



najanay koi nahin basta teray siva ankh main

aik teri tasveer ko dil main chupa rakha hai </span>

[Arsalan]

kia baat hai...

[V.I.P.]

<span style="color:indigo">Sab say Chupa kar

sab se chupa kar dard jo woh muskura diya
us ki hansi ne to aaj mujhe rula diya

lehje se uth raha tha har ik dard ka duhan
chehra bata raha tha k kuch ganwa diya

aawaz mein therao tha aankhoon mein nami thi
or keh raha tha k mein ne sab kuch bhula diya

jane kya us ko loghon se thi shikayatein
tanhaiyon ke dais mein khud ko basa diya

khud bhi who hum se bichar kar adhura sa ho gaya
mujh ko bhi itne loghon mein tanha bana diya....</span>

[BaDaR]

mashAllah mashAllah kia baat hai

[Vicky19]

<span style="color:blue"><span style="font-size:12pt;line-height:100%">WO SHAKS JO ZAMANA SA KHAFA LAGTA HA
HANS KER BOLA TO DUNYA SA JUDA LAGTA HA</span></span>

[Fazi]

very nice Muskaan in action :style_emoticons/<#EMO_DIR#>/yes.gif:

[V.I.P.]

thanks to badar, vicky and fazi for reading my choice.





<span style="color:indigo">Abhi wo dard baki hai...


Agar yeh waqt marhum hai

magar kuch waqt lagta hai

kisi ko bhool janey mein

dubara dil basaney mein

abhi kuch waqt lagna hai

abhi wo dard baqi hai


mein kesseh naye ulfat mein apni zaat ko gum kar doon

keh mere jism-o-wajdaan mein

abhi wo fard baki hai

abhi uus shakhs ki muj per

nigah-e-sard baki hai

abhi tou ishq kay rastoon ki muj per gard baki hai

abhi wo dard baqi hai </span>

[BaDaR]

thanx nice again ::th::

[V.I.P.]

thanks Arslaan.
<span style="color:indigo">
~ Zaroori to naheen ~

Un ko bhi hum say waisi hi mohabbat ho - zaroori to naheen

Aik si donoon ki halat ho - zaroori to naheen

Dil ki chahat toh kai khuawb jaga daiti hay

Haan magar sath main qismat bhi ho zaroori to naheen

Meri tanhayan karti hain jineh yaad sada

Un ko BHI meri zaroorat ho- zaroori to naheen

Muskuranay say bhi hotah hain bayan gham-e-dil

Mujh koh ronay ki bhi aadat ho- zaroori tho naheen. </span>

[V.I.P.]

[b]<span style="color:indigo"> ~Na Umeedain Kisi Se Rakhtey... To Acha Hota ~


Na Umeedain Kisi Se Rakhtey To Acha Hota
Aitbar Na Kisi Pe Kartey To Acha Hota

Sabaq Daita Hai Zamana Yeh Auron Ko Giraney Ka
Sahara Na Kisi Ko samjhtey To Acha Hota

Yaqeen apni Kamyabi ka kisi Ko Kab Hota Hai
Taqdeer keh Muqabil Na Hotey To Acha Hota

Sochtey The Aitbar Andha Ho Ga Dewana Tum Per
Na Khuwaab Jagtey Main Daikhtey To Acha Hota

Na Chatey Tum Kisi Ko Na Koi Tumheen Poojta
Na achey Kisi Ko Lagtey To acha Hota

Darya Mohabbat Ka Kab Koi Paar Karta Hai Dost
Na Mohabbat Kisi Se Kartey To Acha Hota...</span>

[V.I.P.]

[b]<span style="color:indigo">
~ Us shaks ko...~


Us Shaks Ko Mera Halka Sa Ehsaas To Hai

Be Dard Sahi Woh Mera Humraaz To Hai

Woh Aaye na Aaye Mere Paas Lekin

Shidat Se Mujhe Us Ka Intezaar To Hai

Abhi Nahi To Kya Hua Mil Hi Jayenge Kabhi

Mere Dil Main Us Se Milan Ki Aas To Hai

Pyaar Ki Gawahi Mere Aansoo Se Na Maang

Barasti Nahi Aankhen Magar dil uddas tu hai</span>

[NAIFAI]

[quote=Muskaan][b]<span style="color:indigo">[font=Courier New:31c897cc56]agar talaash karoon koi mil hi jaye ga
magar tumhari tarah kaun mujhe chahe ga

tumhain zaroor koi chaahaton se dekhe ga
magar woh aankhain hamari kahaan se laye ga

na jaane kab tere dil par nai si dastak ho
makaan Khali hoa hai to koi aaye ga

main apni raah main deewar ban ke baitha hoon
agar woh aaya to kis raaste se aaye ga

tumhaare saath yeh mausam farishton jaisaa hai
tumhaare baad ye mausam bahut sataaye ga[/font:31c897cc56]</span>


A beautiful khayal !

[Aleeh]

Meri barbadi ki daastan sunane se pehlay....Mujhe itna bata jaate chor jane se pehlay....Agar koi shikwa tumne mujh se kia hota.....Main tum ko mana leti rooth jane se pehlay

Ulfat Mein Kabhie Kabhie Yeh Haal Hota hai.....Aankhein Hansti Hain Magar Dil Roota Hai....Maantey Hain Hum Jissay Manzil apni....Humsafer Us Ka Koi Aur Hota Hai

dafan mujh main hain shoorshain kitni...dil ki surat khamoosh waadi hon.........shook say tarka e doosti kar lay... main tere nafraton ka aadi hon

Jab kabhi teri nazar se guzar jaya karte hain...Woh sitare aksar bikhar jaya karte hain...Hum kisi se muhabbaton ka dawa to nahi karte...Haan magar wafa'on pe hum mar jaya karte hain

tuu paas bhii ho to dil beqaraar apanaa hai... ke ham ko teraa nahin intazaar apanaa hai

just a lil try style_emoticons/<#EMO_DIR#>/blush.gif

[V.I.P.]

nice one...

[Sunny420]

Mohabbat na sahi, hum phir bhi jee lete hain
Zindgi zaher hi sahi, hum phir bhi pee lete hain....
Zindgi mein to tumhari aa na sake, ab khwaabon mein chale aate hain
Tum laakh nazrein pher lo sanam, hum phir bhi chale aate hain

i am wondering where is my old one gone? ::verya::

[aasmi]

well mainly fazi and muskaan had been contributing so far. il add myself to make it 3. i only know iqbal though so dont know if people are going to like it.

aa gaya an larai main agar waqt-e-namaz
qibla ru ho kay zameen bos hui kom-e-hajjaz
aik hi saf main kharay ho gaye mehmood-o-ayaz
na koi banda raha aur na koi banda nawaz
banda-o-sahab-o-mohtaj-o-ghani aik huay
teri sarkar main pohnchay to sabhi aik huay

phir bhi hum say gila hai kay wafadar nahi
hum wafadar nahi to bhi to dildaar nahi

some others from the jawab-e-shikwa

qom mazhab say hai mazhab jo nahi tum bhi nahi
juzb-e-baham jo nahi mehfil-e-anjum bhi nahi

youn to sayyad bhi ho mirza bhi ho afghan bhi ho
tum sabhi kuch ho batao to musalman bhi ho

[V.I.P.]

"phir bhi hum say gila hai kay wafadar nahi
hum wafadar nahi to bhi to dildaar nahi "

Mohamed Iqbal kih shairi bohaut achi hain, one of my fav shair.

Thanks for sharing, umeed hain, keh aap aur bhi post kareh geh.

[alishujahat]

Meray haath main jo Gulaab the

Woh Gulaab saare bikharr gaye

Meri aankh main woh jo khuwaab the

Woh hi khuwaab mere ujarr gaye

Jisse maine maanga tha baarha

Woh hi shaks mujh se bicharr gaya

Mera humsafar mujhe chor ker

Kisi aur simt chala gaya

Jisse saath dena tha ummer bhar

Woh to do qadam bhi na chal saka

[V.I.P.]

...
Jisse maine maanga tha baarha

Woh hi shaks mujh se bicharr gaya

....

Jisse saath dena tha ummer bhar

Woh to do qadam bhi na chal saka

nice one.. alishujahat.

[V.I.P.]

[b]<span style="color:indigo">~bicherneh seh zara pehle ~

bicherneh seh zara pehle

na sochna hargiz

na dena taal us lamhe ko

ke bicherneh ka aik hi lamha

azaab-e-dil-o-jan keh liye kafi hain

suno ager tum faisla ker loh toh

bicherney seh zarah pehleh

na kuch sochna hargiz

ager tum sochneh bethe

to kahin aisa na ho

chashm-o-dil k tufan pay hum

qaboo na rakh paye

bicherney seh zara pehlay hi hum

dunya say bicher jaye</span>

[aasmi]

Hum to mail ba karam hain koi saail hi nahi
rah dikhlain kisay koi rah-rawe manzil he nahi
tarbiat aam to hai johar-e-qabil hi nahi
jis say tameer ho aadam ki, yay woh gul h nahi
koi qabil ho to hum shaan-e-qai daytay hain
dhoondnay walay ko dunya bhi nai daytay hain


kis qadar tum pay garan subha ki baydari hai
hum say qab pyar hai haan neend tumhain pyari hai
taba-e-aazad pay qayd-e-ramzan bhari hai
tumhi keh do yahi aain-e-wafadari hai
qaum mazhab say hai mazhab jo nahi tum bhi nahi
jazb-e-baham jo nahi mehfil-e-anjum bhi nahi

tum main hooron ka chahnay wala hi nahi
jalwa-e-toor to mojoon hai moosa(PBUH) hi nahi

Aaj bhi ho jo baraheem(PBUH) ka iman paida
aag kar sakti hai andaz-e-gulistann paida

Ki mohammad(PBUH) say wafa tu nay to hum teray hain
Yay jahan cheese hai kya loh-o-qalam teray hain

[aasmi]

khuda tujhay kisi tufan say aashna kar day
kay teray behr ki mojon main iztaraab nahi
tujhay kitaab say mumkin nahi faraagh kay tu
kitaab khan hai magar sahib-e-kitab nahi


uqabi rooh jub baydar hoti hay jawanon main
nazar aati hai unko apni manzil aasmanon main

nahi tera nasheman qasr-e-sultani kay gunbad per
tu shaheen hai basera kar paharon ki chatanon main

[V.I.P.]

kafie achi hain aasmi, thanks for sharing.

[V.I.P.]

<span style="color:indigo">Sar Jhukaaoge To Patthar Devtaa Ho Jaayega,
Itna Mat Chaaho Use Wo Bewafa Ho Jaayega.

Hum Bhi Dariya Hain Humein Apna Hunar Maloom Hai,
Jis Taraf Bhi Chal Padeinge Raasta Ho Jaayega.

Kitni Sachchai Se Mujh Se Zindagi Ne Keh Diya,
Tu Nahin Mera To Koi Doosra Ho Jaayega.

Main Khuda Ka Naam Le Kar Pee Raha Hoon Dosto,
Zehar Bhi Iss Mein Agar Hoga Dawa Ho Jaayega.

Sab Usi Ke Hain Hawa, Khushboo, Zameen-o-Aasmaan,
Main Jahan Bhi Jaaoonga Us Ko Pata Ho Jaayega.

Rooth Jaana To Mohabbat Ki Alaamat Hai Magar,
Kya Khabar Thi Mujh Se Wo Itna Khafa Ho Jaayega </span>

[V.I.P.]

<span style="color:indigo">Ab arzoo jeene ki nahi, marne ka ghum bhi nahin

rahi to rahi bas ek justaju, umer bhar teri kami sahin

na dost na saathi na pyaar, jaa rahe hai lekar kuch nahin

Ey zindagi tujhse jo mila, tera hi hain wo humara nahin

kaise kahenge sabko alwida, paas mere waqt bhi nahin

Ab arzoo jeene ki nahin, marne ka ghum bhi nahin</span>

[Vicky19]

m really great poetry muskaan :style_emoticons/<#EMO_DIR#>/strongbench.gif:

[V.I.P.]

Thanks :-)

[sonia]

muskan ur amazing......so as others :style_emoticons/<#EMO_DIR#>/wave.gif:

[TrueLove]

Very nice, Muskan, it was really good.

Daal do Zakhamo par chadar, To je sayaid daag chup jayega.
Paradne na bhi do duup is par, To je tuche hi daard bana jayega.<span style="color:red"> </span>

[V.I.P.]

Thanks True Love and Sonia.

[haazar]

First of all I like to congartulate you guys for starting a nice thread like this one and also that the choice of poetry posted in it is just exceptional.

I myslef am not a very good juggler of words so the piece of poetry I am going to post is from a very little known, young Poet of Paksitan (Arshad Iqbal AArash), I met him during my stay in Italy. I hope you wil like it.

Pyaas jab imtahan say guzri
ik seel -e- rawan say guzri

lamakan ya makan say guzri
zeest qaid-e-garan say guzri

hadasoon nay tujhe salami di
zindagi tu jahan, jahan say guzri

yeh chaman to nahi, mera dil hai
ae khizan tu khan say guzri[font=Times New Roman:d2c315f68d] [/font:d2c315f68d]<span style="font-size:12pt;line-height:100%"> </span><span style="color:darkblue"> </span>

[V.I.P.]

<span style="color:indigo">First of all, Welcome to Humpakistani.net</span>

Thanks for your congratulations and liking our posts here.

I hope that we can read more poems by you soon.

[ThePakistaniMuslim]

<span style="color:red">Na kissi ki aankh ka noor hoon, na kisi k dil ka qarar hoon
jo kissi k kaam na aa sakay, main wo eik Musht e Ghubar hoon

mera rang roop bigar gia, mera Yaar mujh say bichar gia
jo chaman khizan say ujer gia, main ussi ki fasl-e-bahar hoon



Buhadar Shah Zafar </span>

[V.I.P.]

<span style="color:indigo">Dil rah gaya hai Dil main Muhabaat nahin rahi
Afsana rehe gaya hai Haqeeqat nahin rahi

Yun Dil hua huvadus-e-peham se choor choor
Ab arz-e-mudah ki bhi taqat nahin rahi

Ae dosto - Nibhao ge Aien-e-dosti
Ab yeh fareeb khaneh ki himmat nahin rahi

Ae qalb-e-gham shanas zara tu he kuch bata
Ye kiya hua ke Dard main lazat nahin rahi

Yaad ah rahe hain tarak-e-taluk ke bawajood
Kyu kur ke kahun unse muhabbat nahin rahi

Ik dil ke wastay hain hazaron soubtain
Shyed jahan main Kaif 'musarat' nahin rahi </span>

[V.I.P.]

one of my fav.

[b]<span style="color:indigo">
Kiseh pukah reh Hum is Hujoom-e-Gham Meh
Keh Sub Hi Hamaray Aazamaye Huay Hain

Tum Hi Ne Humain Kar Dia Tanha
Warna Hum To Taalluq Nibahye Huay Hain

Dheemay Dheemay Aansoo Dil Se Girte
Keh Hum Apna Gham Sub Se Chupaye Huay Hain

Un Shano Tak Ab Rasai Na Rahi
Jin Shano Pe Aansoo Bahaye Huay Hain

Hum Kareh Ab Kisi Per Kaisay Bharosa
Keh Zamane Se Dhokay Khaye Huay Hain

Khushion Se Bhi Ab To Lagta Hay Darr
Is Qadar Zakham Hum Ne Khaye Huay Hain

Ab Dast-e-Shanasai Na Barhayain Gay Hum
Keh Zamane Bhar Se Thukrai Hue Hain</span>

[ThePakistaniMuslim]

<div class='quotetop'>QUOTE</div><div class='quotemain'>Un Shano Tak Ab Rasai Na Rahi
Jin Shano Pe Aansoo Bahaye Huay Hain [/b][/quote]


awww, thats so touching, good choice


<span style="color:red">Wo jo Aasooda-e-Sahil hain inhain kia maloom
ab k moaj aaye to paltay gi kinaray lay kar

Aesay lagta hay k har Mosam-e-Hijran main bahar
Hont rakh deti hay shakhoon pay tumharay lay kar</span>

[V.I.P.]

Thanks, ThePakistaniMuslim.

*****

<span style="color:indigo">tere ishq kih intahaa chaahataa hoon
meri saadagi dekh kyaa chaahataa hoon

sitam ho ki ho vada-e-behijaabi
koi baat sabr-aazamaa chahata hoon

yeh jannat mubarak rahe zahidon koh
ki main aap kah samanah chahata hoon

koi dam kah mehmaan hoon aye ahal-e-mahafil
chirag-e-sahar hoon, bujhaa chahata hoon

bhari bazm meh raaz kih baat kah dih
badah be-adab hoon, sazaa chahatah hoon. </span>

M.Iqbal

[BaDaR]

wa wa wa ::clap:: ::clap::
nice post muskaan jee

[Fazi]

Originally posted by Muskaan
Thanks, ThePakistaniMuslim.

*****

<span style="color:indigo">tere ishq kih intahaa chaahataa hoon
meri saadagi dekh kyaa chaahataa hoon

sitam ho ki ho vada-e-behijaabi
koi baat sabr-aazamaa chahata hoon

yeh jannat mubarak rahe zahidon koh
ki main aap kah samanah chahata hoon

koi dam kah mehmaan hoon aye ahal-e-mahafil
chirag-e-sahar hoon, bujhaa chahata hoon

bhari bazm meh raaz kih baat kah dih
badah be-adab hoon, sazaa chahatah hoon. </span>

M.Iqbal

very nice Ghazal muskaan .. one of my fav

[Sunny420]

very nice muskan ::th::

[V.I.P.]

Thanks to badar, Fazi and arif...
**********

<span style="color:indigo">Tum hanse the mere aadaab-e- wafa peh ek din
Aaj ruk ker mera andaaz-e- wafa bhi dekho

Garq khar dengi tumhen chashmae labraiz meri
Doobne denge nahin phir bhi kinara dekho

Hum badalte nahin alfaz tumhaare jaise
Ishq tumse hai magar mujhko hila ker dekho

Ek duniya hai to phir ghum ye bahut se kyon hain
Dil mae utro zara ahsaas dila ker dekho

Humko tanhaye meh bhi bheer nazar aati hai
Dekhna ho to zara khwab sajah ker dekho

Mere likhne se zamaane ko bada jabr sahi
Yeh to alfaaz hain mit te hain mita ker dekho</span>

[V.I.P.]

[size=12][b]<span style="color:indigo">Yaaro - kisi qatil se kabhi pyar nah maangoh

Apneh hi gale khe liye talvaar nah maangoh


Ghir jao geh tum apneh masiha kih nazar seh

Mar kar bhi ilaaj-e-dil-e- bimaar nah maangoh


Khul jaye gah is terah, nigaahon kah bharam bhi

Kanton se kabhi phool ki mahakaar nah maangoh


Sach baat pehr milatah hai sadaa zahar kah pyaalah

jeenah hai to phir jeneh ke izhaar nah maangoh


Us cheez kah kya zikr joh mumkin hi nahin hain

Seharaa meein kabhi saayaa-e-diivaar naa maangoh.</span>

(seharaa=dessert) by Qateel Shifai

[Sunny420]

very nice ::th::

[Fazi]

kuch loog jenhain bhool kar hum khoosh nahin hooway
kuch zakham hain bhar jatay hain maloom nahin kyon
har subh tujhay jee say bhulanay ka hay kya wadah
har sham mukar jatay hain maloon nahin kyo

[Sunny420]

fazi yaar very nice, whats up with u 2day? why sad poems?

[Princess_NAINA]

every body nice shair muskam fazi and every body else vicky and u too mr arif ::verya:: nice ashars

[Princess_NAINA]

DIL KA HAL BATAOON KAISA HAY
JAISAY KHIZAAN K MOUSAM MEIN
JAISAY ZURD PATOON KA GIR JANA
JO KABHI POCH LIYA KISI MEHARBAN NAY
BATAOO TU KIYA HOVA
KAISAY CHUPA PAOON GA MEIN
AANKH KA AANSOON SAY BHAR JANA
MEIN HAIRAAN HOON
K MEIN ZINDA HOON
ITNA BHI AASAAN NA THA
ZINDAGI MEIN MOUT SAY GUZAR JANA
KOI MUJHAY SAMAITAY GA TU KAISAY
KISIS NAY DAIKHA HE NAHEEN
MERI ZAAT KA KIRCHIYOON MEIN BIKHAR JANA

[V.I.P.]

Fazi &Naina: Have a look at the thread Some Ashaars, not so long just few lines"

moving it ....

[Princess_NAINA]

Originally posted by Muskaan
Fazi &Naina: Have a look at the thread Some Ashaars, not so long just few lines"

moving it ....

MUSKAN APPA WHAT R U TRYING TO SAY DIDN'T GET IT ???
ANYWAYS I STOP :style_emoticons/<#EMO_DIR#>/wavecry.gif:

<span style="color:indigo">
edit:
awwwwwwwwww, pyari seh naina nah..

there is another thread, where you can post your poems as well!

Just the difference is, this section you won't find just few sentences..
Dusreh thread meh please post khar doh nah.. bhaar bhaar merge khar keh hi taqh gaye hoon... :-(
Muskaan</span>

[syedmali]

YAHA TO DIL KA YE AALAM HAI KIA KAHOON
BHULA SAKA NAHE WO SILSALA JO THA HE NAHI
WO EK KHAYAL JO AWAZ TAK GAYA HE NAHI
WO EK BAAT JO MAIN KEH NAHIN SAKA TUM SE
MUJHEE HAIN YAAD WO SAB JO KAHEEN HUA HE NAHI
AGAR YE HAAL HAI DIL KA TO KOI SAMJHAY
TUMHAIN BHULANA BHE CHAHOON TO KIS TARHA BHOLON
K TUM TO PHIR HAQEAT HO KOI KHAWAB NAHI

[ThePakistaniMuslim]

<span style="color:red">Kabhi kabhi in jins bhari ratooon main
jab
sub
awazain so jati hain
Aadhi neend ki ghayel si madhoshi main
eik khawab anokha jagta hay
mein dekhta hoon
Gird ki iss chadar say udher
jo meray uss k beech tani hay
wo bhi tanha jaag raha hay



Amjad Islam Amjad </span>

[V.I.P.]

<span style="color:indigo">Gham-e-aashiqi seh kah do raah-e-aam tak nah pohenche
mujhe khauf hai yeh tohmat mere naam tak nah pohenche


main nazar seh pee raha tha to yeh dil neh baduaa dih
tera haath zindagi bhar kabhi jaam tak nah pohenche

naye subah par nazar hain magar aah yeh bhi dar hain
ye sahar bhi raftaa raftaa kahin shaam takh nah pohenche


vo navaa-e-muzamahil kya nah ho jis meh dil kih dhadkan
vo sadaa-e-ahale-dil kyaa jo avaam tak nah pohenche


unhen apneh dil khi khabreh mere dil se mil rahi hain
main joh unseh ruth jao toh payam tak nah pohenche


ye adaa-e-beniaazi tujhe bewafa mubarak
magar aisi beruKhi kya ke salam thak nah pohenche


jo naqaab-e-ruKh utha dih toh yeh qaid bhi lagah dih
uthe har nigaah lekin koi baam tak na pohenche


wahi ik khamosh nagma hain jaan-e-hasti
joh zubaan tak nah aye joh qalaam takh na pohenche </span>

Shakeel Badayuni

[Fazi]

very nice muskaan

here by one of your fav poet

tang aa chuke hain kash-ma-kash-e-zindagii se ham
Thukaraa naa den jahaaN ko kahiin bedilii se ham

maayuusii-e-ma'al-e-mohabbat naa puuchhiye
apanon se pesh aaye hain begaanagii se ham

[ma'al=consequence]

lo aaj hamane toD diyaa rishtaa-e-ummiid
lo ab kabhii gilaa naa karenge kisii se ham

ubharenge ek baar abhii dil ke val-vale
go dab gaye hain baar-e-Gam-e-zindagii se ham

gar zindagii mainn mil gaye phir ittafaaq se
puuchhenge apanaa haal terii bebasii se ham

allaah re fareb-e-masahiiyat ke aaj tak
duniyaa ke zulm sahate rahe Khaamoshii se ham

[masahiiyat=God's will]

ham Gam-zadaa hain laaye kahaaN se Khushii ke giit
denge wahii jo paaye.nge is zindagii se ham

[V.I.P.]

it is by Sahir Ludhianvi.. one of my fav. poetsafter Shifai... and a nice choice Fazi.
Thanks.

[V.I.P.]

<span style="color:indigo">Ham pe ilzaam yeh lagate hain
Bewafa kehe keh woh bulate hain

Dost b a n t e h the zindagi bhar keh,
Ab sareeh aam woh satate hain

Jinko chaha khud seh zeadha,
Zakhm gahare wohi lagaate hain

Hum koh kahate the aftaab apna,
Woh mere hi diye bujhaate hain

Ashq aankhon main lab sileh apne,
Duniya keh liye aaj bhi muskuraateh hain.</span>

[Fazi]

dil dhayakane kaa sabab yaad aayaa
vo terii yaad thii ab yaad aayaa

[sabab=reason]

aaj mushkil thaa sambhalanaa ai dost
tuu musiibat main ajab yaad aayaa

din guzaaraa thaa barii mushkil se
phir teraa vaadaa-e-shab yaad aayaa

[shab=night]

teraa bhuulaa huaa paimaan-e-vafaa
mar rahenge agar ab yaad aayaa

[paimaan=promise]

phir kaii log nazar se guzare
phir koii shahar-e-tarab yaad aayaa

[tarab=happiness]

haal-e-dil ham bhii sunaate lekin
jab vo ruKhsat hue tab yaad aayaa

baiTh kar saayaa-e-gul main 'Nasir'
ham bahut roye vo jab yaad aayaa

[V.I.P.]

nice one fazi,.. meric collection kahin chori toh nahin khar lih.. :-P
Keep it up! you are doing better post by post..

[Fazi]

Originally posted by Muskaan
nice one fazi,.. meric collection kahin chori toh nahin khar lih.. :-P
Keep it up! you are doing better post by post..

haha .. maybe :)

[Fazi]

dard ke phool bhi khilte hain bikhar jaate hain
zaKhm kaise bhi hoN kuchh roz mein bhar jaate hain

us dariche mein bhi ab koi nahin aur ham bhi
sar jhukaaye huey chupchaap guzar jaate hain

raastaa roke khaDi hai yahi uljhan kabse
koi poochhe to kahen kyaa ki kidhar jaate hain

naram aavaaz, bhali baaten muhazzab lahje
pahli baarish mein hi ye rang utar jaate hain

dard ke phool bhi khilte hain bikhar jaate hain
zaKhm kaise bhi hoN kuchh roz mein bhar jaate hain

[V.I.P.]

"dard ke phool bhi khilte hain bikhar jaate hain
zaKhm kaise bhi hoN kuchh roz mein bhar jaate hain "
true....
thanks for sharing fazi.

********

<span style="color:indigo">yaaro kisi qatil seh kabhi pyar nah mangoh
apane hi galeh keh liye talvaar nah mangoh

ghir jaogeh tum apne masiha kih nazar seh
mar kar bhi ilaaj-e-dil-e-bimaar nah mangoh

khul jayega is tarah nigahon kah bharam bi
kanton seh kabhi phool kih mahakaar nah maangoh

sach baat peh milta hai sadaa zahar kah pyaalaa
jina hain to phir jiine ke izahaar na maangoh

us cheez kah kya zikr joh mumkin hi nahin hain
seharaa mein kabhi saayaa-e-divaar nah maangoh
</span>
'Qateel Shifai'

[ThePakistaniMuslim]

<span style="color:red"> Good job Fazi and Muskan. Muskan does bring some shairs with comprehensive Urdu.........good stuff</span>

[ThePakistaniMuslim]

<span style="color:red"> Chehray pay meray Zulf ko, Phailao kissi din
Kia roz garajtay ho, Baras jao kissi din</span>

[V.I.P.]

Thanks The Pakistani Muslim.

***************************
<span style="color:indigo">~ Koi Afsoos nahin~

Zindagi tujh koh jiyaa hain - koi afsoos nahin

Zahar khud meh neh piya hain - koi afsoos nahin


Meh neh mujrim koh bhi mujrim nah kaha duniya mein

Bas yahini jurm kiya hai - koi afsoos nahin


Meri qismat meh likhe the yeh unhin keh ansoon

Dil keh zakhmon koh siya hain - koi afsoos nahin


Abh gire sang ki shishoon kih ho baarish

Abh kafan odh liya hain koi - afsos nahin </span>

[Fazi]

[b]<span style="color:blue">hazaaron Khvaahishen aisii ki har Khvaaish pe dam nikale
bahut nikale mere armaaN lekin phir bhii kam nikale

nikalanaa Khuld se aadam kaa sunate aaye hain lekin
bahut beaabaruu hokar tere kuuche se ham nikale

muhabbat men nahiin hai farq jiine aur marane kaa
usii ko dekh kar jiite hain jis kaafir pe dam nikale

Khudaa ke vaaste pardaa na kaabe se uThaa zaalim
Kahiin aisaa na ho yaaN bhii vahii kaafir sanam nikale

KahaaN maiKhaane ka daravaazaa 'Ghalib' aur kahaaN vaaiz
par itanaa jaanate hain kal vo jaataa thaa ke ham nikale </span>

[TauseefM]

nice poems muskan and fazi bhai

[ThePakistaniMuslim]

<span style="color:red"> Razoon ki tarah utro meray dil main kissi shab
Dastak pay meray haath ki, khul jao kissi din</span>

[V.I.P.]

Thanks TauseefM.

****

<span style="color:indigo">Kab kon kisi ka hota hain,

sab jhootay rishtay naatay hain

sab dil rakhnay ki batain hain

sab asli roop chupatay hain

ikhlass say khali log yahan

nokhtoon kay teer chalatay hain

ik bar nighahoon may akar

phir sari umer rulatay hain

vo diay hain jis nay ashk hamain

hum us ko bhool hi jatay hain</span>

[V.I.P.]

<span style="color:indigo">sazaa kah haal sunaye jazaa ki baat karen
Khuda mila hoon jinhen who Khuda kih baat karen

unhen pata bhi chalen aur who Khafa bhi nah hoon
is ehatiyaat seh kya maza kih baat karen

humaree ahad kih tahazeeb mehn qabaa hi nahin
agar qaba ho to band-e-qabaa kih baat karen

har ek daur kah mazahab naya Khuda laata
karen to ham bhi magar kis Khuda ki baat karen

wafaa_shiyaar ka_ii hain koi haseen bhi toh hoon
chalo phir aaj usi bewafa kih baat karen
</span>

[V.I.P.]

<span style="color:indigo">Dard seh mera daman bhar deh Yah Allah
phir chahe deewana khar deh Yah Allah


meh neh tujhse chaand sitaare kab mange
roshan dil bedaar nazar deh Ya Allah


Suraj si ik cheez toh Hum sab dekh chuke
Sach-much kih abh koi sahar deh Yah Allah


Yeh dharti keh zakhmon phar marham rakh deh </span>
<span style="color:indigo">Yah mera dil patthar kar deh Yah Allah</span>

by Qateel Shifai

[V.I.P.]

<span style="color:indigo">Ek ansoon hai Hum,
ajeeb dastan hai hamari,
kuch neh navaza moti se toh
kisine kaha paani,

kuch ne kaha hum anmol hain,
toh kisi keh liye nah humara koi mol hai.

Jaane kya kismat hain Hum neh paye
joh har waqt mili hum koh tanhai,

kitne din saath rahe in aankhon mein phir kyun chalak pade tum tanha aye harjaye… </span>

[BaDaR]

Wo jo hum mili bhi tou kiya miley wohi dooriyaan wohi faasle
na kabhi hamaare qadam barhe na kabhi tumhaari jijhak gaye

Meri daastaan ka urooj tha teri narm palkoun ki chaoun men
mere saath tha tujhe jaagna teri aankh kesai jhapak gayi

tere haath se mere hont tak wohi intezaar ki pyaas hai
mere naam ki jo sharaab thi kahin eaaste men chalak gaye

[V.I.P.]

<span style="color:indigo">
meri ankhon mein zara jhank ke dekhe to koi
kitni masoom tamannaon ne dam tor diya

kiya khabar tum ke kabhi teri tamanna aae dost
ashq ban ker meri palkon pe ubhar aae gi

abb kahan jaen baharoon ki tamanna le ker
dil ka har zakham mahekta hai gulistan ki tarah

phir meri dunya mein woh hulchal machane aae hain
phir se khuwabaida tamannaen jaagane aae hain

ban sanwar ker mughe samjhane na aao warna
phir tamanne dil machal jaya kare gi

tamann hai dekhoo jee bhar ke laiken
tabassum zair lab hi kho gaya hai

iss qadar khae hain dhoke mein ne raah-e-shauq mein
abb se rehbar ki tamanna hai na rehzin ki talash

yeh aur baat hai ke na ho juraat sawaal
aaya to hoon hujoom tamanna liye hoi</span>

[haazar]

[align=center]

Khwaab aankhon main sajae kab hain
ratjage hum nay gnwae kab hain

phool ugte hain abhi gulshan main
hum bayaban main samae kab hian

aap aiwan main pareshan kyun hain
tar tar sarkon pe hum aae kab hain

kyun na seene say lagaon in ko
dukh yeh mere hain, parae kab hain

jin ghumoon say howa main kundan
aise ghum tum nay uthae kab hain

[haazar]

[b]<span style="color:darkblue">[font=Times New Roman:a4b59ea022]Mujhe aksar sitaroon say yehi awaz aati hai
kisi ke hijar main neendain gnwa kar kuch nahee milta

jigar ho jae ga chalni, yeh aankhain khoon rooain gi
Wasi befaiz logoon say nibha kar kuch nahee milta[/font:a4b59ea022]</span>

[me_me]

Mohabbat Khaas Hoti Hai
Kuch Khaas Dilon Mein Hoti Hai
Ik Khaas Nazr Ki Khaas Inayat
Kuch Khaas Lamhon Mein Hoti Hai
Din Aur Raat Se Be Nayaz
Her Lamha Ujala Karti Hai
Lafzon Ki Mohtaj Nahin Hai
Jazbon Ki Talib Hai Yeh
Khaas Dilon Ka
Khaas Tarana
Ban K Labon Pe Sajti Hai
Mohabbat Khaas Hoti Hai
Khaas Zaro0rat Mandon Ki
Khaas Zaro0rat Hoti Hai
Be Loss
Be Gharz
Shaffaf Chandni Ki Manand
Pakeeza Mohabbat hOti Hai
Ay Kash !
K Her Dil Khaas Rahe
Aur Yunh!
Mohabbat Abad Rahe.........!!!!

[me_me]

Na janay koun sa ansoo kisi se kiya kehday..
Hum is khayal se nazrain jukhain behtay hain
gar toot bhi jain to gila tak nahi kartay
tofan me dob jatay hen khamoshion kay sath
koi hat na day ham sada bhi nahi kartay

[stupidres]

Great stuff.

[V.I.P.]

<span style="color:#993399">Tum mere dil may aesay basay ho
Jesay keh dil ki darkhan banay ho
Tumko meri jaan khabar hi nahi he
Mere liye tum kiya bangaye ho </span>

[sindhiguy]

style_emoticons/<#EMO_DIR#>/handshake.gif lets do this .. my poetry

Us Say Poocha Mein Ne Bin Tere JiyonGa Kaisay
Us Say Poocha Mein Ne Bin Tere JiyonGa Kaisay

Jaltay Chirag Ko Bujha Ker Kaha Aise ....


jab tera hukum mila tark-e-mohabbat kerdi
dil magar iss pe woh dharka ke qayamat kerdi

Kabhi Yun Bhi Aa Meri Ankh Main
Ke Meri Nazar Ko Khabar Na Ho
Mujhe Aik Raat Hi Nawaaz De
Magar Us Ke Bad Sahar Na Ho..


Very Hard Literature I Knw But Sorry

style_emoticons/<#EMO_DIR#>/dance.gif

[me_me]

ye roop ka kundan dehka hua
ye zism ka chandan mehka hua
ilzaam na dena fir muJhko
ho jaaye agar naadani si

[V.I.P.]

<span style="color:indigo">
Main teri ankhon se nahi
In may doob janey se darti hoon

Main teri muhabat se nahi
Teri intaha se darti hoon

Main raat ki tareeqi se nahi
Is tareeqi main basi apni tanhaiee se darti hoon

Mujhe bohat chahat hai tujhe paney ki
Liken tere door janey se darti hoon </span>

[V.I.P.]

<span style="color:#6600CC">Mujh seh Ziyda aghar tumeh koi chahe

mere haathoon se apna haath churaa lena

apne daman se meri umiidein

mere sajdoon se apna sarr uthaa lena...

MUJH SE ZIYADA AGAR TUMEIN KOII CHAAHE TO...

torh dena piyaar ki zanjiirein

mithaa lena apne haathon se lakeerein

meri aankhon se apne khwaab

khwaaboo se meri tasweer mitaa lena

magar...shart yeh hai... Mujh seh Ziyda aghar tumeh koi chahe~...</span>

[nodesorted]

bandh len haath pe seney pe saja len tum ko
ji main aata hai tavez bana len tum ko

[V.I.P.]

<span style="color:#6600CC">Gila

kufar karta hoon khuda se jo gila karta hoon
rooz peeta hoon to marne ki dua karta hoon

mere halaat juda to nahi duniya se magar
kiyun main anjaan sa khud se he mila karta hoon

aai shama mujhko shikayaat nahi tujhse koi
ye to main khud hoon jo hasrat main jala karta hoon

youn to tareeki kisi ko bhi nahi raas mager
meri qismat hai andheron main chala karta hoon

mujhko gulshan ki baharoon se bhala kia laina
main wo gul hoon jo khazaon main khila karta hoon</span>

[snomi]

I didn't noticed this thread before .

bahut achii shairii hai iss thread main

thanks a lot,

i would be posting few ashaar's here very soon

thanks a lot

[snomi]

SAPNE

Aansu nahi thamte hain aankhon main abhi tak
Jaate hue rota woh mujhe chorr gaya tha


Armano ki Duniya ke anmol se sapne
pal main woh mere saamne sab torr gaya tha


Jaan deta tha meri her baat pe lekin yun hi
Besabab Duniya se meri rukh morr gaya tha


Din ki tanhayi ka gham, raaton ki uddasi hamraah
Saare ghamon se rishta mera jorr gaya tha


Aey kaaaaash koi jaa ke us saay poochey
Yahan kis ke sahare pe mujhe choor gaya tha